1.- Plazen
eskaera eskaintza baino handiagoa baldin bada, onartzeko irizpideak aplikatuko
dira. Irizpide horien arabera, lehentasuna izango dute sartzeko prozesuaren
urte naturalean 16 edo 17 urte betetzen dituzten ikasleek, eta horien atzetik,
Derrigorrezko Bigarren Hezkuntzako hirugarren mailan sartzeko baldintzak
betetzen ez dituzten 15 urteko ikasleek.
2.- Eskaintzen diren plazen kopurua txikiagoa baldin
bada aurkeztu diren eskaerena baino, Oinarrizko Lanbide Heziketan onartzeko
eskatzaile guztiei honako baremo hau aplikatuko zaie:
- Izena
emateko unean Euskal Autonomia Erkidegoko
ikastetxeren batean eskolatutako ikasleak,
edo DBHko azken eskolaratze-urtea EAEn egin dutenak.
- Gutxienez DBHko 3. edo 4. maila ohiko moduan edo curriculum desberdina eratuta egin duten ikasleak, izena emateko
urte naturalean 17 urte dituztenak. Berauek lehentasuna izango dute 16 urteko ikaslegaien aurrean eta azken hauek 15 urtekoen aurrean.
- DBHko bigarren maila eginduten ikasleak, lehentasuna
16 urtekoek dutelarik inskripzioa egiteko urte naturalean 15 urte bete
dituztenen aurrean.
3.- Edonola ere, baremazioan berdinketarik gertatuz gero,
lehenik, adinaren araberako ordena ezarriko da, txikienetik handienera, eta hori
eginda ere berdinketari eusten bazaio, zozketa publikoa egingo da, betiere
hezkuntza-arloan eskuduna den Sailak horri buruz xedatzen duenari jarraiki.